chellarkovil
Chellarkovikkundu 

ചിത്രത്തിൽ കാണുന്ന ഈ ഗ്ലാമർ ഇല്ലേ ..ഇത് തന്നെയാണ് ചെല്ലാർകോവിൽ വെള്ളച്ചാട്ടത്തിന്റെ പ്രത്യേകത .
മറ്റൊരു പ്രത്യേകത കൂടെയുണ്ട് മൂപ്പർ തുടങ്ങുന്നത് കേരളത്തിലും അവസാനിക്കുന്നത് തമിഴ്നാട്ടിലുമാണ് .കുമളിയിൽ നിന്നും ഒരു 15 കിലോമീറ്റർ ദൂരം .മൂന്നാർ -കുമളി റോഡിൽ നിന്നും അണക്കര റോഡ് വഴി തിരഞ്ഞു പോന്നാൽ ചെല്ലാർകോവിൽക്കുണ്ട്എന്ന് വിളിപ്പേരുള്ള ഈ സ്ഥലത്തു എത്താം.
chellarkovil
Chellarkovikkundu 


നല്ല ഉയരത്തിൽ നിന്നും പതിക്കുന്ന നല്ല അസ്സൽ വെള്ളച്ചാട്ടം .ഒരു ദിവസം ചിലവഴിക്കാൻ മാത്രം ഒന്നും ഇല്ല.പക്ഷെ ഇടുക്കിയിലേക്ക് ഒരു യാത്ര വന്നാൽ തീർച്ചയായും ഇത് കണ്ടിരിക്കണം എന്ന് മാത്രം .
മഴക്കാലത്താണ് ഈ വെള്ളച്ചാട്ടം അതിന്റെ മനോഹാരിത കൈവരിക്കുക.
അന്ന് ഈ റോഡിൻറെ ഇരുവശങ്ങളും വണ്ടികളെയും കൊണ്ട് നിറയും.പശ്ചിമഘട്ടത്തിന്റെ ചെരുവിൽ സ്ഥിതി ചെയ്യുന്ന ഗ്രാമമാണ് ചെല്ലാർകോവിൽ.ഇവിടെ നിന്നും നോക്കിയാൽ തമിഴ്‌നാട്ടിലെ കമ്പം പ്രദേശത്തിനോട് മുഖം തിരിച്ചാണ് വെള്ളച്ചാട്ടം പതിക്കുന്നത് എന്ന് മനസ്സിലാകും.

chellarkovil
Chellarkovikkundu 


പൊതുവെ മഴ കുറവായ കമ്പം തേനി പ്രദേശങ്ങളിൽ ജലം എത്തിക്കുന്നതിൽ ഇടുക്കിയടക്കമുള്ള ജില്ലകളിലെ വെള്ളച്ചാട്ടങ്ങൾക്ക് വലിയ പങ്കുണ്ട്.
മലമുകളിൽ -പശ്ചിമഘട്ടമലനിരകളിൽ മഴ പെയ്യുന്നത് പൊരി വെയിലത്ത് മലയടിവാരത്തിൽ നിന്ന് കൊണ്ട് കാണുന്ന തമിഴ് ജനതയുടെ വികാരം മറ്റൊന്നാണ് .പക്ഷെ പ്രകൃതിയുടെ ഈ വിധിയോട് പോലും അവർ പോരാടി അവരുടെ കാർഷിക ജീവിതം കരുപിടിപ്പിച്ചിരിക്കുന്നത് കാണുക എന്നത് തന്നെ നമ്മിൽ ചിന്തകൾ ഉണർത്തും .

chellarkovil
Chellarkovikkundu 


സമുദ്ര നിരപ്പിൽ നിന്നും 1200 മീറ്റർ ഉയരത്തിലാണ് ഈ വെള്ളച്ചാട്ടം
.തേക്കടിയിൽ നിന്നും 15 കിലോമീറ്റർ ദൂരം ഉള്ള ഇവിടെ ഒരു വാച്ച് ടവർ  ഉം ഉണ്ട് .ഒരു പക്ഷെ ഇടുക്കിയിലെ തന്നെ മികച്ച സഞ്ചാര ഇടങ്ങളിൽ ഒന്നാണ് കുങ്കരിപ്പെട്ടിയാറിൽ നിന്നും തമിഴ്‌നാട്ടിലേക്ക്പതിക്കുന്ന ചെല്ലാർകോവിൽ വെള്ളച്ചാട്ടം.