കരിമ്പൻകുത്ത് വെള്ളച്ചാട്ടം യാത്ര | Karimbankuthu Waterfall Travel Idukki

കരിമ്പൻകുത്ത് വെള്ളച്ചാട്ടം യാത്ര | Karimbankuthu Waterfall Travel Idukki

karimban kuthu waterfalls
karimbankuthu waterfall

തോപ്രാം കുടി..മലയാളികൾ പെട്ടെന്നൊന്നും മറക്കാത്ത സ്ഥലം ലൗഡ്സ്പീക്കർ എന്ന സൂപ്പർഹിറ് സിനിമയിലെ മമ്മൂട്ടി കഥാപാത്രത്തിന്റെ നാട്.എന്ത് പറഞ്ഞാലും അങ്ങ് തോപ്രാംകുടിയിലൊക്കെ എന്ന ഡയലോഗ് ശ്രദ്ധിക്കപ്പെട്ടിരുന്നു.ആ തോപ്രാംകുടിക്ക് സമീപമാണ് കരിമ്പൻകുത്ത് വെള്ളച്ചാട്ടം.ചെറുതോണിയിൽ നിന്നും 7 കിലോമീറ്റർ ദൂരം തോപ്രാംകുടിയിലേക്ക് സഞ്ചരിച്ചാൽ ഇവിടേക്ക് എത്തിച്ചേരാനാകും.

ഇടുക്കി ജില്ലയിലെ മനോഹരമായ ഒരു വെള്ളച്ചാട്ടമാണ് കരിമ്പൻ കുത്ത്.തൊട്ടടുത്തുള്ള പ്രദേശമായ കരിമ്പനിൽ നിന്നുമാണ് ഈ വെള്ളച്ചാട്ടത്തിനു കരിമ്പൻകുത്ത് എന്ന് പേര് ലഭിച്ചത്.

ഏതാണ്ട് 130 അടിയോളം ഉയരത്തിൽ നിന്നുമാണ് ഈ വെള്ളച്ചാട്ടം വീഴുന്നത്.രണ്ടു തട്ടുകളായി പതഞ്ഞൊഴുകുന്ന കരിമ്പൻ കുത്ത് വെള്ളച്ചാട്ടത്തിലേക്ക് സഞ്ചാരികൾ എത്തി തുടങ്ങുന്നതേ ഉള്ളൂ.കൂടുതൽ സഞ്ചാരികളും തന്നെ ഇടുക്കിക്കാർ തന്നെയാണ്.

പുറത്തേക്ക് അധികമൊന്നും അറിയപ്പെട്ടു തുടങ്ങാത്ത ഈ വെള്ളച്ചാട്ടത്തിൽ കുളിക്കാനുള്ള സൗകര്യവുമുണ്ട്.നീന്തൽ അറിയാമെങ്കിൽ മാത്രം വെള്ളത്തിലേക്ക് ഇറങ്ങുക.


വലിയ ഉയരത്തിൽ നിന്നും പതിക്കുന്ന ഈ വെള്ളച്ചാട്ടം താഴെയുള്ള പാറയിൽ തട്ടി രണ്ടായി പിരിയുന്നു..ആ കാഴ്ച വളരെ സുന്ദരമാണ്..കരിമ്പൻ -മുരിക്കാശ്ശേരി റോഡിൽ കൊച്ചു കരിമ്പനിൽ നിന്നും 2 കിലോമീറ്റർ ഇടത്തോട്ട് തിരിഞ്ഞാൽ ഈ വെള്ളച്ചാട്ടത്തിലേക്കെത്താവുന്നതാണ്.

ആരും ഇതിനു മുൻപ് അധികം കേട്ടിട്ടില്ലാത്ത അധികം ആർക്കും തന്നെ പരിചയം ഇല്ലാത്ത ഈ വെള്ളച്ചാട്ടത്തിലേക്ക് അടിമാലിയിൽ നിന്നും 29 കിലോമീറ്റർ ദൂരമാണ് ഉള്ളത്.

അടിമാലി -കല്ലാർകുട്ടി -പനംകുട്ടി-കീരിത്തോട് -കരിമ്പൻ 
പശ്ചിമഘട്ടത്തിലെ മറ്റേതു വെള്ളച്ചാട്ടവും പോലെ കരിമ്പൻകുത്തും മഴക്കാലത്ത് കൂടുതൽ സജീവമാകും..സുന്ദരിയാകും..
താഴെയുള്ള പാറയിലേക്ക് മുകളിൽ നിന്നും വെള്ളം പതിച്ചു ചിതറി തെറിക്കുമ്പോൾ ആയിരം മഴവില്ലുകൾ രൂപപ്പെടും..അപ്പോൾ രൂപപ്പെടുന്ന ബാഷ്പ കണങ്ങൾ മേഖല മുഴുവൻ വ്യാപിക്കും.

ടാക്സിയിലോ ബസിലോ ഇവിടേക്ക് എത്തിച്ചേരാം.ചെറുതോണിയിൽ നിന്നോ,തോപ്രാംകുടിയിൽ നിന്നോ ബസിൽ കയറാം.അല്ലെങ്കിൽ ടാക്സി വിളിക്കാം.ശേഷം 1 - 2 കിലോമീറ്റർ ഒന്ന് നടക്കാം..വെള്ളച്ചാട്ടത്തിൽ എത്താം...കുളിക്കാം ...വെയിലും കൊണ്ട് ഇരിക്കാം ...