wb_sunny

പാൽകുളമേട് യാത്ര | Palkkulamedu Travel Idukki

പാൽകുളമേട് യാത്ര | Palkkulamedu Travel Idukki

palkulamedu
palkulamedu
ഇടുക്കി ജില്ലയിലെ മനോഹരമായ പച്ച പുതച്ചു കിടക്കുന്ന പുല്മേടുകളാണ് പാൽകുളമേട്.മുട്ടിനു താഴെ വരെ എത്തിനിൽക്കുന്ന തരത്തിലുള്ള പുൽമേട്.കാറ്റ് പുല്ലിൻതലപ്പുകൾക്ക് മുകളിലൂടെ തഴുകി കടന്നു പോകുമ്പോൾ അത് മണ്ണിലേക്ക് കുനിയും ...പിന്നെ പതിവ് പോലെ നടുവുയർത്തി എണീക്കും..കാണാൻ നല്ല രസമുള്ള കഴ്ചയാണ്.

സമുദ്രനിരപ്പിൽ നിന്നും 3200 അടി ഉയരത്തിലാണ് മൂവാറ്റുപുഴയിൽ നിന്നും 60  കിലോമീറ്റർ ദൂരമുള്ള പാൽക്കുളമേട് സ്ഥിതി ചെയ്യുന്നത്.

palkulamedu

പുല്മേടുകളാൽ ചുറ്റപ്പെട്ട മലനിരകൾ,മലമടക്കുകളിൽ അപൂർവയിനം ഓർക്കിഡുകളടക്കമുള്ള ചെറു പൂക്കളും സസ്സ്യലതാദികളും, ചോലവനങ്ങളുടെ മനോഹാരിത...ഇപ്പോഴും തഴുകി തലോടുന്ന കാറ്റ്..

ഇവിടെയുള്ള വ്യൂ പോയിന്റുകളിൽ നിന്നും ചെറുതോണി ഡാം വ്യക്തമായി കാണാം.ഒപ്പം ഇടുക്കിയെ ഇടുക്കിലാക്കി കളഞ്ഞ മലനിരകളുടെ പ്രൗഢഭാവത്തെയും.

palkulamedu

വണ്ണപ്പുറം കൂടി കട്ടപ്പനയിലേക്കുള്ള വഴിയിൽ ചുരുളി കവലയിൽ നിന്നും വലതു വശത്തേക്ക് തിരിഞ്ഞു ആൾപ്പാറയിൽക്കൂടി പാൽകുളമേട്ടിലേക്ക് എത്തിച്ചേരാൻ കഴിയും.ആൾപ്പാറയിൽ നിന്നും വഴി രണ്ടായി തിരിയും.ഒന്ന് വെള്ളച്ചാട്ടത്തിലേക്കും ഒന്ന് വെള്ളച്ചാട്ടത്തിനു മുകളിലേക്കും.

കഷ്ടിച്ച് ഒരു ജീപ്പിനു പോകാവുന്ന തരത്തിലുള്ള മൂന്നു കിലോമീറ്റർ ദൂരം കല്ലും മണ്ണും നിറഞ്ഞതാണ്.ഓഫ് റോഡ് പോയിട്ടുള്ള വിദഗ്ധ ഡ്രൈവർമാർ മാത്രം വണ്ടി ഓടിച്ചു കയറ്റുക.മറ്റൊരുവശം അഗാധമായ കൊക്കയാണ്.ധാരാളം വളവുകളും തിരിവുകളും ഈ വഴി മദ്ധ്യേ ഉണ്ട്.

palkulamedu

മൗണ്ടൈൻ ട്രക്കിങ്ങിനു പറ്റിയ സ്ഥലമാണ് കഞ്ഞിക്കുഴിയോട് ചേർന്നുള്ള പാൽക്കുളമേട്.കാട്ടാനകളുടെ വിഹാരകേന്ദ്രം കൂടെയാണ് ഈ പുൽമേടുകൾ.

പതിഞ്ഞു കിടക്കുന്ന പുൽമേട്ടിലൂടെ കാട്ടാന കൂട്ടങ്ങളും മറ്റു മൃഗങ്ങളും നടക്കുന്നത് മികച്ചൊരു ഫ്രെയിം തന്നെയാണെന്ന് പറയാതെ വയ്യ.

palkulamedu

പുല്മേടിന്റെ യഥാർത്ഥ ഭംഗി പാൽക്കുളമേടാണെന്നു നമ്മൾ തിരിച്ചറിഞ്ഞിട്ടേ മലയിറങ്ങൂ...ഉറപ്പ്...

Tags

Newsletter Signup

type your mail-id here