തലേം കുത്തി വെള്ളം വീഴുന്ന ആലി വീണ കുത്ത് | aali veena kuthu waterfall

എറണാകുളം ജില്ലയിലെ കോതമംഗലത്തു നിന്നും ഒരു 15 km മൂന്നാർ റൂട്ടിൽ സഞ്ചരിച്ചാൽ തലക്കോട് എന്ന ജംഗ്ഷനിൽ എത്താം അവിടെ നിന്നുമാണ് ആലിവീണ കുത്തിലേക്ക് പോകുന്ന വഴി. കുറെ ദൂരം കാട്ടിലൂടെയും പാറപുറത്തു കൂടെയും തോട്ടിലൂടെയും ഒക്കെ നടക്കണം അവിടേക്ക് എത്താൻ.

കോതമംഗലത്തിനും മുവാറ്റുപുഴയ്ക്കും തൊടുപുഴയ്ക്കും ഒരുപോലെ അടുത്ത് ആയി,തലക്കോടിനും മുള്ളിരിങ്ങാടിനും ഇടയിൽ ഉള്ള വനത്തിൽ സ്ഥിതി ചെയ്യുന്ന പുറം ലോകത്ത് നിന്ന് ഒളിച്ചിരിക്കുന്ന ഒരു സുന്ദര വെള്ളച്ചാട്ടം ആണ് "ആലി വീണ കുത്ത് ".

നല്ലൊരു adventure trekking ആണ്. മഴക്കാലമായതിനാൽ വഴുതി വീഴാനുള്ള ചാൻസ് ഉണ്ട്. പൊകുന്ന വഴിയിൽ രണ്ട്‌ വെള്ളച്ചാട്ടങ്ങളുമുണ്ട്. അത് കൊണ്ട് അവിടേക്കുള്ള യാത്ര തന്നെ അടിപൊളി ആണ്. അവിടെച്ചെന്നാൽ മനസ്സിലാവും കഷ്ടപെട്ടതൊന്നും വെറുതെയാവില്ലെന്ന്‌. അത്രക്ക് മനോഹരമാണ് അവിടം.